МКОУ «Кулецминская СОШ»

          

План-конспект открытого урока по аварскому языку

на тему: «Определение»

8 класс

         

Составила: Гаджиева М. Г.

 

 

 

 

 

 

 

 

 

2020 год

 

 

Рагьараб дарсил план.

 

Дарсил тема: Определение

Дарсил мурадал.

Лъайкьеялъул:

-определениелъулгун цӀалдохъабазул лъай-хъвай гьаби.

ЦебетIеялъул:

-кӀалзул ва хъвавул калам цебетӀезаби.

-лъималазул лексика цІиял рагІабаз бечед гьаби.

Тарбия кьеялъул:

-Авар мацӀалде лъималазул рокьи бижизаби.

ТIабигIат цIуниялъул бугеб кIвар лъималалазда бихьизаби.

Дарсие хIажалъулел алатал: компьютер, интерактивияб доска, презентациял.

Дарсил ин.

МугIалим.

-Лъимал, дие бокьун буго дарс байбихьзе, нилъер кIудияв шагIир ЦIадаса ХIамзатил гьал гьал кочIол мухъаздалъун.

Хасалил хъачIал малъаз гIаркьалаби гъурарал

ГъутIбузда тIамах балеб тIабигIат берцинаб их.

ХъахIал буртабазда гъоркь кьижарал авлахъазда

Кьер-кьераб тIегь бижараб тIабигIат берцинаб их.

(Слайд№2)

МугIалим.

-Лъимал, Гьал кочIол мухъал руго аваразул гьайбатав поэт ЦIадаса ХIамзатил . ПасихIаб кочIол рагIиялдалъун, гвангъарал эпитетаздалъун ХIамзатица бихьизабулеб буго ихдал тIабигIаталъул берцинлъи.

(ТIабигIат цIуниялъул бугеб кIваралъул лъималазда бицина).

Рокъобе хӀалтӀиялъул хал гьабила.

(Арал темабазда т1асан фронталияб гьикьи гьабила, гьез жавабал кьела)

Предложениялъул бетIерал членал чан ругел?

БитIараб дополнение сунда абулеб?

БитIараб дополнениелъул кинал каламалул бутIаби ккун рукIине бегьулел?

БитIараб дополнение предложениялъулъ сунда бухьараб букIунеб

Предложениял членазде риххизе кьела.

Асмае хIалтIизе бокьула

Классалда дида кIигояв вихьана. (Слайд№3)

 

ЦӀияб тема.

МугIалим

-Жакъа, лъимал, нилъеца бицине буго определениялъул хIакъалъулъ.

Хъвай, лъимал, нужеца тетрадазда дарсил тема.

Определение абула кинаб? лъил? сундул? чан? чанабилеб? абурал суалазе жаваблъун бачIунеб предложениялъул бетIераб гуреб членалда.

Предложениялда жаниб гIемерисеб мехалъ определениялъ баян гьабула предметияб цIаралдаса бугеб предложениялъул член.

Кинаб(-й, -в, -л)? абурал суалазе жаваблъун рачIунел определенияз предметалъул батIи-батIиял гIаламатал баян гьарула. Масала:

НакIкIирохьоб курорталда

Кутакаб гъалбацI букIараб,

Кинабниги хIутI-хъумуралъ

ХIурматияб ханлъун тараб (ЦI .ХI)

Чан? чанабилеб? абурал суалазе жаваблъун рачIунел определенияз предметалъул къадар яги ирга бихьизабула. Масала: Дун цIалулев вуго анкьабилеб классалда.

Лъил? сундул ? абурал суалазе жаваблъун рачIунел определенияз предметалъул бетIергьанлъи бихьизабула. Масала: Нилъер куват лъуги гьечеб буго.

Определениял рукIуна рекъон ккаралги рекъон ккечIелги.

Рекъон ккараб определение абула жинца баян гьабулеб рагIигун жинсгун формаялъулъ рекъон ккрал определениязда. Масала:

Хирияй гьудулги гьагав дунгоги

Дагъистан кантIизе кицилъун ккана(М)

Ркекъон ккечIеб определение абула жинца баян гьабулеб рагIигун управлениялъул бухьеналдалъун цолъун бугелда.

Меседил гIадалнах гIарцул гвангвара

ГIадада хвелилан хиял букIинчIо (М.)

Цо предложениялъулъ рукIине бегьула цо чанго определение. Гьел рукIуна ялъуни цойиде нахърилълъун, ялъуни тарбибалда нахърилълъун.

1.Цойиде нахърилълъарал ккола киналго определениял цо рагIуде руссун, гьеб баян гьабулел определениял. Масала: КIудияб Октябралъулаб социалистьияб революция ккана 1917 соналда.

2.Тартибалда нахърилъарал определениял ккола предложениялда жаниб цебехун бугеб определение хадуб бугеб определениялъе баян кьолеблъун ккун ругел .Масала: ГIусманил вацасул васасул рукъалъул кед бихун бачIана.

Определениелъун ккезе бегьула кинаб? лъил? сундул ? чан? чанабилеб? абурал суалазе жаваблъун рачIунел батIи-батIиял каламалъул бутIаби: прилагательное, предметияб цIар, рикIкIен, цIарубакI, причастие. Масала:

Чан мугIрул ганчIиде гуллид басараб

Гьасул черхалдаса чвахун араб би?

Щибаб рогьалида хIелкал ахIдола

ТIолго дунялалда дур цIар рехсола.(Р.ХI)

(Слайд№4)

Т1ехьалдасан х1алт1и т1убала:

Х1алт1и №73 гьум.40 (Хадур кьурал рагIабиги определеняллъунги ккезарун предложениял гIуцIизе ва хъвазе)

 

Словарияб х1алт1и.

ГЭС – гидроэлектростанция

Миллат- нация.

Дару-лекарство, сабаб.

Сулахъ- гIоралда цIар

Маргъал- бекI(диалектияб), пуговица.

ЧIагIа- гьекъолеб жо.

Берзул диктант.

Х1алт1и №4, 109 гьумер. (КIиго-лъабго цIалдохъан вахъинавила цо-цо куплет цIализе ва определениял ратизе. Гьел кинал каламалъул бутIаби ккун регелали бицине. МагIнаялде кIвар кьела).

ЦIалдохъан1.

ТIад бугеб оас хIуларал хIалакъал мугIрул щобал

ГIурччинхарихъ тIерхьараб тIабигIат берцинаб их.

Дунялалъул мугъалда баччараб кинабго халкъ,

Чохьой дару гьаризе дур чохьохъе кIанцIула.

  

ЦIалдохъан 2:

Дур квералъул гIатIилъи гIаламалъул берцинлъи,

Мун гIадаб гьайбатаб гьобол дида рещтIинчIо.

ГIурччинаб дур халгIатги хадубго цун рахIматги,

Дир урхъи буссинчIого нахъ руссине рес гьечIо(ЦI.ХI)

(ЦIалун лъугIараб хадуб, тIабигIат цIуниялда хурхун лъималазулгун гара-чIвари гьабила.)

МугIалим:

Творческияб хIалтIи.

(Экраналда бихьизбила росдал тIабигIаталъул суратал. Хъвазе кьела росдал тIабигIаталъул саратаздасан гьитIингабго сочинение, рекъон ккаралги рекъон ккечIелги определениялги гъорлъе ккезерун). (Слайд№5)

  

ЦIияб тема щула гьаби. (ХIаял)

 

1. «Определениял рате»

(Тексталдаса ратIа росун определениял хъвазе, рекъон ккаралги рекъон ккечIелги рицине. ТIоцебе хIалтIи тIубарав лъабгоясе къимат лъела).

 

2. «Лъида лъалеб?»

(Хадур рехсарал рагIабазул магIна загьир гьабизе кьела. Гьелги определенияллъун ккезарун предложениял ургъизе тIамила).

Буртина, кIаз, жагилчи.

 

3. «Лъица гьадин абураб,?»

(Адабияталдаса цо-к1иго мухъ ц1алила определениялги гъорлъ ругел.

Асаралда цIарги, гьелъул авторги, определениялги ратIа росун хъвазе.)

 

а)Чан гIалимчиясул гIелмудал керен,

Дуца жаниб бачун ракьде буссараб;

Чан устарасулдай меседил кверал,

Каранда тIадги лъун, хIурде руссарал

(Автор, кочIол цIар, определенияял)

б) Хунзахъ конторалда кагъат рагIула,

Килас печать чIвараб, чIегIер белъараб.

БачIараб почалда хабар рагIула,

Хъвалаго магIица адрес чурараб.

(Автор, кочIол цIар, определенияял)

 

в)ХIурупал магIилал, магIна гIищкъуял

ГIибаратал ана ГIунайзатиде;

Алфазал багьаял, багьа хириял

Харилъе тIегь гIадал хъвана шигIраби.

(Автор, кочIол цIар, определенияял) (Слайд№6,7)

Дарсил хӀасил.

МугIалим:

- Дарсги лъугIулеб буго, нилъеца рак1алде щвезабила гьаб дарсида сундул х1акъалъулъ нилъеца бицарабали. Тестовияб хIалтIуца борцина нужеда лъараб дарс.

(Лъималазда дарс бичIун бугищали хал гьабизе тIобитила тестовтяб хIалтIи)

Тестовияб х1алт1и.

1.Определение сунда абулеб?

а) кинаб? лъил? сундул ? чан? чанабилеб? абурал суалазе жаваблъун бачIунеб предложениялъул бетIераб гуреб членалда.

б) лъица? Сунца? абурал суалазе жаваблъун бачIунеб предложениялъул бетIераб членалда.

в)Заман бихьизабулеб предложениялъул бетIераб гуреб членалда.

2.Рекъон ккарал определениял кида рат1алъизарулел?

а) Определение т1ибит1араб бугони.

б) К1игоялдаса ц1ик1к1ун определениял ругони.

в) Т1ирит1арал определениял рат1а гьарула аслияб раг1уда ха-
дурр ккун ругони.

г) Киданиги рат1алъизаруларо.

3. Хаслъул падажазда ругел определениязда гъоркь хIучч цIай

а)Ясалъ баргъич меседил гьабуна в)Хьитал салул цIуна

б)Ясалъ меседил баргъич ххуна г)Лъимал расандана салул гохIда

4.Предложениялда жаниб причастие щиблъун бук1уъеб?
а)дополнениелъун; б) х1аллъун;

в) подлежащеелъун; г) определениелъунги, сказуемоелъунги. (Слайд№8,9, 10.)

Къиматал лъей

Рокъобе х1алт1и.

ХIалтIи № 72 гьум.40

Отзыв о посещенном уроке

учителя родного языка  и  литературы   Гаджиевой Муминат Гаджиевны

Дата проведения

Место проведения: МКОУ “Кулецминская СОШ”

Класс:  8 кл.

Тема урока: «Определение».

Оборудование:  набор карточек.

Структура урока соответствует требованиям к построению современного урока. На уроке продумано использованы современные педагогические технологии: информационно-коммуникативные, уровневая дифференциация, проблемное обучение.

На уроке параллельно с изучением нового материала проводился опрос и повторение ранее изученного. Диалог учителя с учащимися показал, что учащиеся знают ряд  терминов, они также умеют обобщать, делать выводы. Учитель грамотно использует разные методы работы.

В конце урока учитель провел самостоятельную работу, с использованием дифференцированного подхода, что позволило более слабым ученикам повысить интерес к предмету.

Ребята на уроке работают активно, с интересом, стараются на вопросы давать полные ответы, задают дополнительные вопросы.

В целом урок получился плодотворным, с хорошей рабочей обстановкой, доброжелательной атмосферой и своей цели он достиг.

Зам. директора по УВР                        Муталиева А.Б.